2015/16 B.D Diidu Latishshi Insheetivete Loosi gumulo Keenonna 2016/17 B.D gibaatete shiqqonna koosu kakkayishshi battala harnisoota Sidaamu Dagoomu Qoqqowu Mootimma Saadate Jiro Latishshi Biiro Xawissu. Onkoleessa 09/092016M.D Qoqqowu Saadate Jiro Latishshi Biiro sooreessi Kalaa Tekile Jonbihu uyiinayi koshsha loosidhe galtewo mannira beenke calla agurre minira hingaayita ikkituki sooreeyyenno ogeeyyeno woradanna eela oluu geeshsha dirrinne baxtewo harunsonna irko assinne baxxiwe gumma abbanayita ikka hasiissanota xawisino. Qooqqowu Saadate Jiro Latishshi Biiro 2kki sooreessinna Saadate Sir/woye/Sad/sag/Latishshi Handaari Sooreesi Dr Adege Alemuhu Diidu latishshi loosi 4 zoone 15 wordiranna 46 ollii giddo loosamanni noota xawisse 2015/16 B.D Diidu Latishshi Insheetivete Loosi gumulo Keenonna 2016/17 B.D gibaatete shiqqo loosi ripoorte shiqishshinoha ikkanna shiqqinno ripoorte aanna hala'lado hasaawa assinoonni. Barete beeqaanno maatette jireenynya buuxisiisate amadoomo insheetive giido diidu latishshi mitto ikkinota kulte diidu loosi wole saada gede baxxitewo sagalenna waa hattonno galaa mini hasiraaha ikka hoogassinni gate kosho calla sutatenni lowo guma adhinaayiha ikkasinni lowo geeshsha danchcha looso ikkinota xawissino. leddotenno baadilchu koshshinni roore yannilchu koshshi woyyinoha ikkassinna baadilchu koshshinni 1kiilo giraame adhinanha ikkanna yannilchu koshshinni kaayinni mitte hinge calla 46 kiilo garaame ale ikka malawo adha dandihnantanno xawissinno. Sidaamu Qoqqowi Mootimma Saadate Jiro Latishshi Biiro Moottimate Xaadoishshi Dayrekitorete Hawassa, Sidaama, Itoophphiya