Sidaamu Qoqqowu Mootimma Saadate Jiro Latishshi Biiro taaltino saadate sagale iillo halashshate haja la'anonsa bissa qinaabe loosate millimilote bare harsu. Onkoleessa 23/2016M.D Qoqqowu Saadate Jiro Latishshi Biiro sooreessi Ayiiradu Kalaa Tekile Jonbihu barraho qixaabbino bare aanna leelle taaltinota saadate sagale waagi aanna xaadda mitiimma maayi garii tira dandiineemo yitaa hedo aanna hasaawate qixaabbino bare ikkase kule saada ce'neemohu albi garinni buuda kiirate woyi saadate kiiro batisate ikkikinni woyaawinno sircho ce'ne woyaawino laalcho afirate ikka noosi konnira taaltinno saadate sagale anje tirate sidaamu mittimmate maamari elto yuuneene ledo halamatenni loonsantanno xawisino. Qooqqowu Saadate Jiro Latishshi Biiro 2kki sooreessinna Saadate Sir/woye/Sad/sag/Latishshi Handaari Sooreesi Dr Adege Alemuhu 2016/17 B.Diri saadate sagale horonsishshi illo buuxisate qixaabbinno sanade sanade shiqishshinoha ikkanna quuphphe qalaayinoo lukkuwiranna xuurayyi hee'noyi/adote saadara baxewo illacha tunge taaltinno sagale shiqishsha hasiisaatanno xawisinno. Sidaama Elto maamari yuuneene taltino saadate sagale yunite qineesaanchi kalaa Gizacho Amahahu taltino saadate sagale(ምጥን መኖ) hasiishshinna horonsishshi aanna xawishsha uyiinoha ikkanna saadate sagale aatenni taallo anadooshshe seekkano hasiisanota xawisino. Barete beeqaanno maatette jireenynya buuxisiisate tinni mitte doogo ikkasenni woyaawinno sirchira woyaabbino saadate sagale hasiisanota aniffe gatinni afi'nayi haayyiso hattonno haanja muro calla guma gotti assitanokitanna taaltino saadate sagale(ምጥን መኖ) itisa hasiisanota xawissino. Sidaamu Qoqqowi Mootimma Saadate Jiro Latishshi Biiro Moottimate Xaadoishshi Dayrekitorete Hawassa, Sidaama, Itoophphiya 🇪🇹